Små petter edderkoppar i massevis :-)
Etter ein større utgraving attmed steinen kom det nokre små, runde posar til syne. Dei hengde på steinen, og har sansynlegvis hatt ein stor stein framfor seg. Nyskjerrigheita tok overhand, og pølsemann måtte sjekke ut kva dette var for noko. Det viste seg å vere edderkoppreir ( eller kva det no heiter) Masse miniedderkoppar kom springande ut. So no veit me det 
Vårliv
I hagen er nesten all snøen vekke. Rabarbraen er opp komen. skillaen blomstrar og det er ikkje lenge før påskeliljene og dei gule prestekragane blomstrar. 
Litt verkstadarbeid må til 
Ein hurtigtur for å få vårfølelsen inn…
Opp opp og so ned!
Opp og ned konkurranse i Geisdalen var bra i dag. Strålande sol og mykje folk. Best var det nok å studere sveva til desse karane og fleire med
HURRA!
Gratulerer med dagen! Pensel, motorsag ,gitar eller tankar- no problemas ! Jammen meg er det godt å ha nokon å diskutere med
Fin dag på måndag. Soli skei so den var gali, og det var eg og. På skitur åleine, men slett ikkje heilt åleine likevel. Det krydde av folk i Vanndalen.
So tysdag med pleiing av gnagsår i Røysi. So fint kan ein ha det når soli skin i Krundalen. 
Og so på skitur med Jostein og hundane. Fint det og, berre supperåte føre og skodd i dag. Men me kom oss no ned att , slett ikkje missnøygd med gjennomført tur
So vart det påske i år og :-)
Og kva er vel påske utan påsketur med pølsegrilling….Endeleg vart det ok ver ei stund i går, og me styrta ut på sosial skitur. Men idyllen vara berre til vinden kom i kjappa kast og skyene for i ekspressfart. Vel nede att til bilen byrja det å høljeregne. Skikkeleg tøyrver ditta. No viser målestokken i bukve 40-50 cm snø , so det går nedover! Det er berre til å få resten av frøa i jorda og glede seg over frøkatalogar på nettet
Ukjende damer
Eg har fått tilsendt dette bilete med spørsmål om eg veit kven det er . Det gjer eg ikkje, men reknar med at det er nokon der ute som veit. Bilete skal vere teke av Per Fredrik Tang i 1949. Hanhar sagt det er jenter frå Jostedal og at dei er forgrafert i Elvekrok. Er det nokon som veit?
OPPDATERING
Eg fekk ein mail med navna på biletet Den sa dette:
No veit eg kven dei er takka vera Magda Bukve. Dersom du har lyst til å ta med namni er dei slik: Frå venstre: Inger Bukve f. 1933, gift Knoff, Bergljot Bukve f. 1943, gift Snøtun, Brita Kleivi f. 1927, gift Nigard og Johanna Mjølver f. 1925, gift Hunshamar.
