Perfekt kombinasjon 2
Godt brød med honning, chevre, fikensyltetøy og spekeskinke – med ein mørk ægir til 
Ein søndagsfilm på TV og god fyr i ovnen. God, god søndag kveld….
Kaldt, men pent…
Eg fyrer i ovnen om dagane. Den syng og hoppar der den står. Det er kaldt ute, men pent. Når sola kikar fram kan ein kjenne at den varmar, sjølv no i november. Det er håp om skøyteis om det fortset slik. Det passar meg utmerka, sidan eg fekk meg nye langløpskøyter i haust.
Hundane klagar litt fordi vatnet frys i skåla, men Nansen veit korleis han skal gi beskjed. Når han er tyrst, slenger han matskåla si omkring so det bråkar og brakar ute. Det er helst på morgonen han driv med slikt, so i dag var eg oppe før vekkeklokka. Opp og hopp og rett ut i kjølden Ein vaknar av slikt.
Ellers har eg vore nedom verkstaden og frose litt, so mykje at eg klarde å øydelegge propanbrennaren min med stive fingrar. ARG!!!! Men i morgon,i morgon skal eg reparere-eller få reparert!
Siste månaden..
….har eg drive med litt av kvart. Storbytur med inlagt kurs…
Tur med kjekke folk
.
Pølsegrilling medan nokre andre trenar
.
Sokka, huer, jakke, pulsvantar mm . Det er kaldt utan snø, enn so lenge. Rimkvitt og fint ute berre ein kler seg godt. Men til helga stod det snø på yr, so då so….
Vakkert so lenge var ……..
Det var nokre nydelege dagar me hadde før regnet satte inn. Gnistrande vintersnø i låg sol…
Ellers so har eg tenkt ein del over ka ein skal bekymre seg over i verden i dag. Terror i India, kaos i Thailand og ……. sist men ikkje minst, kven som køyrer bil kvar! Eg kjenner nokon som brukar å sei ” ja, ja, er ikkje løge det e krig i verden, nei…! Det var vel det eg hadde å sei om den saka i kveld.
Vintertrimmen 2008
Det blir vintertrim i år og, og dei ivirgaste er ute allerede. Nokre kasser er komne opp, men om det er nokon som føler seg kalla til ein skitur med kasse på ryggen er det berre til å snakke med Gro Kirsti. Ho har kassene og kontrolen!
(vintertrim er for alle! Dette ilustrert med eit bilete frå nokre år attende)
Plassane i år er:
Hytta på Mann, Holmavatnet, Fåbergstølen, Vitlestølsdalen, Nigardsbredalen, Nosakollen, Geisdalen, Vanndalen, Vigdalstølen, Fåra i Bergsetdalen.
Korta skal lagast før jul og leggast til sal på hotellet, til det er det berre til å skrive navnet i boka, og krysse etterpå.
Premiane til Stølstrimmen er forsinka, pakka som skulle innehalde premiane kom, og inneholdt noko heilt anna……. Men nye premiar er bestilte, so no er det berre til å vente i spaning
